Nji ditë do të mbledhi tana fjalët që kurrë s’ti thashë
t’ambla të buta joshëse të thata shtërnguese
përmbytëse mbytëse.
T’palosuna n’krahnor e mandej shkallës së fytit do ti la me u ngjitë
me ngutin e avashtë të gjuhëve shkumuese.

E mbasi t’kenë mbrritë veshit tand të hollë
mundesh me m’marrë me vedi
e me m’dhurue butësi
a nji litar me m’varë.
Do të pranojshe lari e hi.

Da: A.Brahusha

Trad:L.Ruvina

Attraverso il tempo ho sentito il tuo arrivo, come un peso che mi ha fatto male senza ancora apparire. Tutto il fiato preso dall’ossigeno del mondo da quando nacqui, non bastò a riempirmi i polmoni, quando ti vidi mostrare dinanzi a me quel passo leggero e lungo, e i capelli dondolanti, da quella testa che il tuo fragile corpo teneva sulle spalle. E tu sei li, finalmente, lì dinanzi a me, solo pochi metri. Ti chiamai e dentro non potevo gioire a quella visione perchè dovevo andare via. Quanti pochi secondi per una cosa che ho atteso tutta la vita. O Dio.

Ti ke vdekë kaherë,
e vdekja jote asht shtri tashma në fëtyrat e të gjitha stinëve;
vdes edhe unë nën zhurmën e qetësisë së mortit tand.
 
I bukuri im, sa lule kane ra mbi barkun e ksaj vjeshte,
të tana me nji za të mbytun në ujin që derdh ky shiu i mortit tand.
 
Nuk besoj ma në asnji qiell,n’ asnji diell.
Vjen ti me mortin tand e permbysë stinë të reja.
 
Pse nuk më merr n’atë vorrin tand të përjetshëm,
të jemi bashkë një stinë në vete kockash
që si qen duke u lpi do të shëronte plagët e veta.

Nuk m’ bjen ma ndërmend
për ty as për ata
që n’qet'sinë e netve t’lume,
tue ba bé për qiell e për dhé
derdhin vnerin e ditve t’shkueme;
e kur shohin zogun n’fluturim
Hanën me krye poshtë a nalt gzimin
përqeshin Diellin që i ndritë,prapë
tue ba bé për qiell e për dhé.

Nuk m’bjen ma ndërmend
për ty as për ata
që fërkojnë duert me shend
n’terrin që kanë mbjellë
e tundohen kur del drita
t’friksuem prej syve t’vet.

Ikën…
edhe ata që zbritën dikur prej naltësisht marramendëse
me dëshirën me na falë nji copë qiell ;
ikën të gjujzuem në nji tjetër mënyrë.
Bashkê me ta edhe koha u largue
e na mbetëm sterilë në gropën e orës
pa mujt’kurrë me matë
atë çka tashma kishim braktisë.

31 JANAR 2011

Në fund t’retinës shtrihet bashi i oqeaneve tona
mbushë me zjermin’ e kohës së hershme.
 
Në ekon nudo të britmave të vrame
që në ikje fjalën poetizon,
me besu’ n’kadifen e kullueme të bebes së synit
edhe kur dinamika e tragjedisë
shpërndan në majë t’emocioneve molekulat e kaosit.
 
Harmonia e Natyrës shtërngon borën joshëse
nën ritmin e akrepave mbi ranën e kohës
dhe lagë me yje mallëngjyese
kanjelat e shueme të qiejve tanë.
 
( 19 Janar 2011)

Historia e njì kombit
 
N’fillim kjé instingti arsyeja pse ata mbetné gjallë
 
Mandej, krejt shkurt, kjé shpresa
 
Shpresa shkoj……………
……..e instingti në luftë me arsyen e pakuen njêni tjetrin
 
Jeta mbet pá pse
 
Ata u bânè trima
 
Ata u pakuen
 
Ata u shperndân
 
U Shperbân

Albri Brahusha

Zot mos na len pa shpi. Edhe pse shpinë e kena braktisë, aty jetojmë në shpinë që na ke dhanë qysh se jena le. Zot ti je shpia jonë në qiell por Shkodra asht shpija jonë në tokë. Tash në kjoftë se don me na marrë me vedi, na e merr shpinë e ne na njit në qiell, se në tokë pa shpinë tonë nuk mund të jetojmë ma kurrkund. Ka do ditë që kam heshtë me mujtë me gjetë fjalët. Ka nji jetë që lutem për tanë botën, por tash do ditë pa lot lutem për shpinë ku na ke le.

SHKODRES TONE…
Shkodra qyteti yne I dashtun
Brengosur nga mundimi dhe vuajtja e diteve me shi
Brengosuar nga hallet dhe mjerimi
Por asnjehere ske ulur KRY
Edhe sot ne kto dite te renda e me shi
Te gjithe ne jemi te bashkuar me ty
Edhe pse ne te shohim keshtu
Mendoj se ti kurre ske me u Thy
Je djep kulture dhe Nane e dashtun
Je mernjohse edhe ne kto dite te renda
Edhe pse nga uji me zemer te plasun
Ti ke dit dhe din edhe armikun me e prite brenda
Pra ti Shkoder Loce,behu e forte
Prano qe duron cdo shterngate e stuhi
Prano qe din te jesh vetvetja
Edhe pse vuan dhe po shikon tmerr me sy
Vuajtja pjese e jotja ka qene gjihtmone
Ne mote ke qendruar e forte ne cdo stuhi
Ndaj mundohu dhe krenohu se je e jona
Shkoder Locja ne te kemi Shtepi…..